رسايل شوك لاحبابي وردها
تمطر طيب ومنعثر وردها
اعوف الروح وانساهه واردها
لون اسمعه اسمهم مر علية
ــــــــــ#ـــــــــ#ـــــــــ
يهلال الفرح مايوم هليت
ودموع ويادموع شكثر هليت
بسبب حبي اله باحزاني هليت
محمل بالبواجي والاذية
ــــــــــ#ـــــــــ#ـــــــــ
الكلب يمك يحايب ودعيته
واجر حسره وي حسرة ووادعيتة
الحسبتة احزام ظهري وادعيته
صديقي البيه ازامط خان بية
ــــــــــ#ـــــــــ#ـــــــــ
تراب الناس كلهه وانت مائي
وعليك اعلن محبتي وانتمائي
لامن طين انت انت مائي
نجمع بيك الذهب والدر سوية
ــــــــــ#ـــــــــ#ـــــــــ
قطار الشوك فات ومر عداني
وحدر اسنون سكتة مرعداني
الدهر غدار اكلك مر عداني
كمت وكطعت كلبي بدية
ــــــــــ#ـــــــــ#ــــــــــ
اداري وانت ابد مايوم داريت
بحنانك وشعجب للغير دريت
لاتصدك طحت والدنيا دارت
لابد ماتجي وستأل علية
ــــــــــ#ـــــــــ#ــــــــ
علامة الدهر ياصاب بلاني
وانه الجنت اهد لاني بلاني
تكلي خائن العشرة بلي اني
اخون العشرة وي الخان بية
ــــــــــ#ـــــــــ#ـــــــــ
يبيس احشاء كلبي من بعدكم
وجنع كلبه اعله طولة من بعدكم
اليه الموت اهون من بعدكم
حزن وافراك هجرك مر علية
ــــــــــ#ـــــــــ#ــــــــــ
عيني تغار من عينك وشفتك
الكلب ينهار لو تجبل وشفتك
اريد افتك يهل الوادم وشفتك
اذا حبه دمرني وهاج بيه
ــــــــــ#ـــــــــ#ــــــــــ
__________________
تحياتي اســـ الروح ـــير
